Arshaad

Arshaad · Sat Dec 02, 2006 1:03 am Aston Martin v/s Bef

Navin pé rode ène place correk pou li alle tchiaké dans so Aston Martin sans ki trop boucou dimoune trouve li. Ene camarade fine explique-li éna ène zoli circuit dans Belle Rive, si li allé bonère gran matin, li pou capav testé massine-là trankil.

Létan li pé roulé Belle Rive dans ène simin bien discret entre caro cannes, li trouve Bonomme Ramnarain pé marssé avec so béf. Navin borde à côté li, kestion li konne sa gran dimoune-là dipi lontan.

"Et ou là Bonomme Ramanain, si ou pas ti pé amène ou béf marssé, mo ti pou dire ou nou alle faire ène lé tour dans sa loto-là" Navin dire li.

- "Pas pran tracas Navin" Bonomme Ramnarain dire li. "Mo éna ène longue la corde. Nous attasse béf-là derrière loto, ecque garde boue, li capav suivre nous".

Navin maziné pou bizin roule 2 milles à lère mais Bonomme Ramanarain ène vié camarade. Après ça, li pensé li dan simin cannes, personne pas pou trouve li. Zotte tou lé dé attasse béf-là, après rentre dans loto. Navin roule-roulé doussma-doussma.

Bonomme Ramnarain dire: "Eta Navin, zotte ti dire moi to fine asseté ène zoli loto couma James Bond. Mo trouvé li bien zoli avec so coussin cuir, so di bois verni tout ça, mais li pas alle bien vite mo garçon".

Navin dire: "Ki ou pé cosé Bonomme Ramanarain, sa mem loto pli vite ki éna dans Morris ça. Sèlema mo pas pé capav roule vite la coze ou béf".

- "Pas traca béf toi" dire Bonomme Ramnarain. "To nec roulé, li pou suivre".
Navin pèse ène tiguine. Zéguy speedomètre vine lor 20 mille à lère. Li guette dans rétrovisère, li trouve béf pé galoupe-galoupé. Bonomme Ramnarain dire: "Bé samem tou loto-là capav allé ?"

Navin dire: "Mo pé guette béf-là. Mo pas lé faire-li trop souffert".

- "Mo finne dire toi pas pran tracas are béf. Kan mo pou gagne sansse sèye ène loto coume-ça enkor ? Appiyé do mo garçon. Béf-là pou suivre".

Navin appiyé. Zéguy speedomètre pé batte lor 60. Bonomme Ramanarain dire: "Ouais, mo trouvé li marsse bien. Mais pas sa kantité zotte ti pé dire là. Ena taxi-train dans l'endroit roule pli vite ki ça".

Navin coumansse en kolère. "Mo pé dire ou la coze sa béf-là, pas pé capav mette full ou pa pé kompran Bonomme Ramnarain. Ene lotte fois, kan ou tou sèle, nous sèye massine-là bien".

- "Toi ki pas pé kompran Navin. Mo fine dire toi blié béf. Appiyé si to capav appiyé".
Navin nec appiyé are la raz. Zéguy speedomètre batte lor 140, 160.

- "Coumsa li bon" dire Bonhomme Ramnarain. "To guette dan rétrovisère to pou trouvé béf-là correk"

- "Mo pé guetté-là Bonomme. Mo trouve-li pé tire lalang"

- "Ki koté li pé tire lalang ?" Bonomme Ramnarain dimandé.

- "Cotté droite" Navin dire-li.

- "Borde massine-là ène tiguine Navin" Bonomme Ramnarain dire. "Kan li fer sa, ça védire li pou dépassé ".

Aniisah · Sat Feb 03, 2007 12:35 am bef la

pov bef!!!!!!! hahaaa ;) btw kot navin roule so loto? persone pane dja truv li dan sa loto la????

li fer collection?