Arshaad

Arshaad · Mon May 07, 2007 7:35 am Ki pou fou ek ti poucet la?

Li ti dire li pou donne sok dan so meeting. Finalement line gagne ene mari sok li meme. Tellement line gagne sok, li koumens sanz couler wadire koulev.

Enfin dan so meeting sok la, touzour sous leffet sok meme, li fer enne announce sok li dire li fer ‘enn lapel banne parti serieux de lopozition’. Mo kalkiler, mo reflessi … mo maziner eme ki parti li pe rode dire la. Pas capav li p mean Union Nationale – zafer pas bon dan fami. Alors soit li ti p rode dire banne parti rodrigais soit Cehl Meeah.
Mo panne pense MMM ditou parceki semainne dernier line zour Berenger et compagnie…

Eppp …Vendredi Ti Poucet la fer ene interview sok pou zournal Week-End ki paraitre le 06/05. Ca interview la, meme ene dimoune ki pas konne lire si ti pou fini truver ki ca dimoune ki p questionne Ti Poucet la, ine trempe li dan ene mari la sauce.

Mo ti croire Ti Poucet imper malin, li pou realizer p fer bouffon ek li, surtout ki line fine okipe banne functions importants dans le passé. Ki ou ape dire ! Zero Laker. Li alle fer belle declaration ki ‘ca parti serieux la c le MMM … le MSM et le MMM doit travailler ensemble’

Matlo! Ca koute la moi ki alle gagne sok. Lot koute si wadire Ti Poucet envie donne sok, pas necessaire fer meeting .. batte ene interview dans zournal la eme.

Mo gagne sok parceki mo p penser ki so bannes die-hard MSM pou penser letps zot pou lire ca interview la. Mo gagne sok parceki mo demande mo meme kouman ene dimoune ki pas capav vive ek so proper Tonton pou kav alle fer lalliance ek ene dimoune ki pas meme race ek li. Mo gagne sok parceki depi plizir mois li p critiker eme Berenger la. Zordi Ti Poucet p vine talle so la main ek meme Berenger la.

Plis sok enkor .. tander papa … mari sok ca na la … dan interview la li dire li ki pou vine Premier Ministre sous ene lallians MSM-MMM. Tou dimoune koner ki MSM vaut. Pas bizin fer bel mathematic pou koner ca. So meeting sok la ine prouver tou ki valeur MSM. Tellement MSM la ene parti sok ca, ki meme Navin panne mentionner meme MSM dans so meeting. Navin koner li .. MSM la bagasse ca…
Aster Ti Poucet p fini rever li pou vine PM. Aret rever camarad. (Berenger pou dire ‘Aret rever Camaron’).

Mais ca fer ou reflessi, kouman ene gopiah koumca, depi sipa komier letemps p critic Berenger, zordi p vine fer proposition lallians. Dan lopozition zot pas p fouti dakor, maziner ki galimacha pou enan si ca 2 la re-vinne au pouvoir ensam. Ek ene la dans pou PM .. lotte la si pou PM meme. Bagarre dans menaz.

Anyway … zordi gramatin la, mo p lire Matinal, et la mo truver ki Berenger ine refuse proposition Ti Poucet! Wadire ene calotte dans meeting sok la pas ti assez, line envie gagne ene lotte klak aster. Sagrin so la zou la eme .. mais ki pou fer… line roder. Ca eme dire gagner eme problem ek zenfant la … pas facile ditou. Matlo.

Ki Ti Poucet pou ale fer aster? Line critic Gouvernema, line gagne klak ek Berenger, line gagne sok ek so meeting sok …

Li enan 2 choix. Premier fer ene lallians ek Parti Aneerood Gujadhur. Parceki Ti Poucet aussi ine vine komik aster. Capav gagne imper nissa rier ek li.

2eme choix: Dissoudre MSM. Alle plante choucou.

Good Luck Ti Poucet !

Don · Mon May 07, 2007 4:23 pm

Pena grand choz a dire....tone fini dire tou mo trouV!

Mais la veriter c BAAP BECHWA BETA CHATWA!!

Aniisah · Fri May 11, 2007 1:03 pm c ki le ptit pouC?

Mo p pense Pravind Jugnauth la...mais li pa courte li, ryt? :S
si c pa pravind, then who?